ԱՆԻ, ԿԱՐՍ, ՎԱՆ, ԱՂԹԱՄԱՐ (3 ՕՐ)
Տևողություն .
3 օր (2 գիշեր)
Համառոտ նկարագրություն.
Այցելություն Անի, Կարս, Իգդիր, Բայազետ, Բերկրիի ջրվեժ, Վան, Վարագավանք, «Մհերի դուռ», Աղթամար կղզի, Սուրբ Խաչ եկեղեցի, Վանի բերդ, Վանա կատուների բուծարան: Կհամտեսեք Վանա տառեխը:
Արժեք. 60,000 դրամ
Արժեքը ներառում է`
- տրանսպորտային ծախսեր
- հյուրանոց` Վանում (երկու գիշեր)
- սնունդը՝ երկու անգամ (նախաճաշ, ճաշ կամ ընթրիք)
- պատմամշակութային հաստատությունների մուտքերի տոմսեր
- թուրքագետ էքսկուրսավարի ծառայություն
- Թուրքիա մուտքի վիզան (8,000 դրամ)
Ուղևորության ծրագիր.
Օր 1
Անի մայրաքաղաք, Իգդիր, Բայազետ, Բերկրիի ջրվեժ, Վան:
Երևանից կմեկնենք Գյումրի, անցնելով Բավրայի` հայ-վրացական սահմանային անցակետը` կմտնենք Ջավախք: Կարզախից հատելով վրաց-թուրքական սահմանը՝ կուղևորվենք Կարսից 45 կմ հեռավորության վրա գտնվող Անի մայրաքաղաք: Անիի հազարամյա եկեղեցիները տեսնելուց հետո կշարունակենք ճանապարհը դեպի Իգդիր` ռազմական-քաղաքական հայտնի գործիչ Դրաստամատ Կանայանի (Դրո) ծննդավայրը: Այնուհետև անցնելով Արարատ լեռան լանջին գտնվող «Խարաբա բազարի» մոտով` կհասնենք Բայազետ: Ճանապարհին կտեսնենք Արարատ լեռան գեղեցիկ պատկերը հակառակ կողմից, իսկ հին Բայազետում՝ Դարոյնքի բերդը: Կայցելենք նաև պարսկական, արաբական և հայկական ճարտարապետության ոճերը միաձուլող՝ Իսհակ փաշայի պալատը: Այստեղից կմեկնենք Վան, ճանապարհին կանգ կառնենք Բերկրիի ջրվեժի մոտ: Գիշերակացը Վանում է՝ հարմարավետ հյուրանոցում:
Օր 2
Վարագավանք, «Մհերի դուռ», Վանա լիճ, Աղթամար կղզի (Սուրբ Խաչ եկեղեցի), Վանի բերդ, Վանա կատուների բուծարան:
Առավոտյան Վանից կմեկնենք Վարագավանք և Մհերի ժայռափոր «դուռը», որի վրա մինչ օրս պահպանվել են սեպագիր արձանագրություններ: Այնուհետև կմեկնենք Աղթամար կղզի` Սուրբ Խաչ եկեղեցի: Կղզուց վերադառնալով` կհամտեսենք հնուց հայտնի Վանա տառեխը` լճի միակ ձուկը: Երեկոյան կբարձրանանք Վանի բերդ, որից հետո կտեսնենք Վանա կատուներին: Գիշերակացը Վանում է՝ հարմարավետ հյուրանոցում:
Օր 3
Կարս, Առաքելոց եկեղեցի, Կարսի բերդ, Եղիշե Չարենցի տուն, «Վարդանի» կամուրջ, Երևան:
Առավոտյան կայցելենք Առաքելոց եկեղեցի, կբարձրանանք Կարսի բերդը, կտեսնենք «Վարդանի» միջնադարյան կամուրջը, Եղիշե Չարենցի տունը, Կարսի փողոցներում շրջելով՝ կզգանք հին հայկական քաղաքի շունչը: Այստեղից կուղևորվենք Հայաստան, երեկոյան կլինենք Երևանում:
Առաջիկա տուրեր
| Սկիզբ | Ավարտ | Ստատուս |
| 04 Հոկ 2019 | 06 Հոկ 2019 | |
| 11 Հոկ 2019 | 13 Հոկ 2019 | |
| 18 Հոկ 2019 | 20 Հոկ 2019 | |
| 25 Հոկ 2019 | 27 Հոկ 2019 | |
| 28 Հոկ 2019 | 30 Հոկ 2019 | |
| 31 Հոկ 2019 | 02 Նոյ 2019 | |
| 06 Մրտ 2020 | 08 Մրտ 2020 |
