Հիմնադիր

Բարև Ձեզ:
Ես Աշոտ Սողոմոնյանն եմ: Դասավանդում եմ ԵՊՀ թյուրքագիտության ամբիոնում (ԵՊՀ դոցենտ, պատմական գիտությունների թեկնածու, թուրքագետ):
2004 թվականից մինչ օրս իրականացրել եմ պատմամշակութային – ճանաչողական ուղևորություններ, ինչպես նաև ուխտագնացություններ դեպի Պատմական Հայաստան և Կիլիկիա: Սիրով հրավիրում ենք Ձեզ միանալու մեր ուղևորություններին, որի ընթացքում գործի ենք դնելու մեր բոլոր ջանքերը, գիտելիքները և փորձառությունը:
Ուղեկցող

Էլեն Քոքչյան:
Թուրքագետ, 24 տարեկան: Ավարտել է Երևանի Պետական Համալսարանի արևելագիտության ֆակուլտետի թյուրքագիտության բաժինը` ստանալով արևելագետի մագիստրոսի աստիճան: Օրբելի կենտրոնի փորձագետ է, գերազանց տիրապետում է թուրքերենին, անգլերենին և ռուսերենին: Աշխատել է «Մխիթար Սեբաստացի» կրթահամալիրում որպես թուրքերենի, պատմության և քաղաքագիտության դասավանդող, արտաքին կապերի համակարգման գծով տնօրենի օգնական: Հաճախակի վերլուծական բնույթի հոդվածներ է հրապարակում հայաստանյան լրատվամիջոցներով, կատարում թուրքերեն-հայերեն, հայերեն-թուրքերեն թարգմանություններ: Որպես PR manager, ծրագրերի ու միջոցառումների կազմակերպիչ-համակարգող hամագործակցել է “HIN ARENI Wine”, «Bandivan Kat» և հայաստանյան բազմաթիվ ընկերությունների հետ: Էլենը սիրում է արևելքն իր ողջ պատմական, քաղաքական և մշակութային երանգներով, իսկ զբոսավարի աշխատանքը համարում ամեն մի մանրուք արժևորելու և նորովի բացահայտելու հնարավորություն:
Ուղեկցող

Հակոբ Մուրադյան:
Պատմական գիտությունների թեկնածու, դոցենտ, ՀՀ ԳԱԱ պատմության ինստիտուտի և ՀՀ ԳԱԱ պատմության ինստիտուտում գործող ՀՀ ԲՈԿ-ի Հայոց պատության 004 մասնագիտական խորհուրդի գիտական քարտուղար։ Զբաղվում է Արևմտյան Հայաստանի պատմության հարցերով: Տիրապետում է հայերեն, ռուսերեն, անգլերեն, թուրքերեն լեզուներին:
Ուղեկցող

Արտակ Ալեքսանյան։
Թուրքագետ։ Ուսումնասիրում է Թուրքիայի, նրա պատմության, լեզվի, քաղաքականության,ինչպես նաև Արևմտյան Հայաստանի, նրա հոգևոր-մշակութային ժառանգությանը վերաբերող հարցեր։ Մասնակցել է զբոսավարների պատրաստման հատուկ դասընթացների։ Տիրապետում է հայերեն, ռուսերեն, անգլերեն, թուրքերեն, ադրբեջաներեն լեզուներին։ Շուրջ երեք տարի է ուղեկցում է խմբերի ինչպես Հայաստանում և Արցախում, այնպես էլ իրականացնում է բարձրակարգ ճամբորդություններ դեպի Արեվմտյան Հայաստան և Կիլիկիա, Կ․ Պոլիս (Ստամբուլ), Համշեն և Պարսկահայք: